كل شوية يصدعونا سواء بتوع الأزهر أو الفضائيات بتجديد الخطاب الدينى .. تجديد الخطاب الدينى .
تجديد الخطاب الدينى مش بالطبطبة على الناس و الكلام عن الجنة بس و متجيبش سيرة العذاب (رأى الأزهر) ، ولا بتفصيل دين شكلى بس و شوية طقوس على مزاج أمريكا.
أنا رأيي إن التجديد يعنى مسايرة العصر اللى احنا فيه من حيث المؤثرات اللى الشخص بيتعرضلها، يعنى مثلا من 50 أو 60 سنة كان الشخص الطبيعى ممكن يعيش و يموت و هو مشافش واحد ملحد أو بيدعوه لدين آخر (سواء كان مسلم أو مسيحى) .
أما دلوقتى أى عيل عنده 13 سنة قاعد على النت معرض بمنتهى السهولة لحاجة زى كدة. لازم الناس تتعلم عقيدتها و أساسيات الدين اللى هى عليه علشان مش أى واحد يقوله كلمتين يمشى وراه -تانى باقول سواء كان مسلم أو مسيحى- و تحصل بعد كده المشاكل اللى بنسمعها كل
شوية. إنما الكلام فى الترغيب و الترهيب و الأخلاق ده 90% منه مشترك بين كل الأديان السماوية أو الوضعية و مش بيعبر عن شخصية و تميز الدين نفسه.
Posts
